唔知點解唔少女仔都同我哋講「想試做吓gym但唔要大隻」、「我唔想練到一嚿嚿肌肉咁好核突」⋯⋯乜你估真係求其做吓HIIT，喺Gym room做吓物理治療就會變一嚿嚿肌肉？！
1. 先天條件少咗兩粒蛋
睪丸酮產自男性嘅睪丸，女性嘅卵巢同腎上腺都會製造少量嘅睪丸酮，數量係講緊得十分之一。但有研究顯示重量訓練及高強度運動都可以刺激睪丸酮分泌，尤其係腿部訓
練後！所以之前都出過post叫大家Never Skip Leg Days！！平日都可以集中set啲腳嘅訓練嚟當warm up都唔錯 👍🏽
睪丸酮主要作用係令組織生長及復修，增加肌肉量嘅主要因素，其實對男/女性都好重要。
2. 女性雌激素較多
雌激素會影響臀部、下腰及大腿嘅脂肪量，以及女性的經期。女性嘅雌激素水平遠高於男性，因此女性喺低睪丸酮，又高雌激素嘅影響下，係好難變大隻㗎。
「咁點解我見到嗰啲女仔比賽係好大隻㗎喎，點做到㗎？」呢個世界有得食藥/打針㗎嘛！同埋，人哋都係好辛苦，將健身變成佢嘅專業，日操夜操、飲食管理得好嚴謹先做到！
參考資料：www.mr-sport.com.tw